Шкендија убедливо го доби тетовското дерби против Ренова, а тренерот Ернест Ѓока беше задоволен од изданието на тимот. Вели дека работата е добро завршена, но веќе в среда следи нов првенствен дуел.
„Ренова е градски ривал, тоа секогаш е мотив повеќе. Ја завршивме добро работата и победивме, а сега треба веднаш да се подготвиме за следниот меч в среда. Задоволен сум од нашето издание, посебно во второто полувреме“, изјави Ернест Ѓока.
Во следното коло, Шкендија ќе ги одмери силите со Академија Пандев.
