Лукас Васкез ја одби понудата на Реал Мадрид за продолжување на соработката, а причина за тоа е Баерн Минхен. Тој како слободен агент во летниот преоден рок, како што открива „Ас“, ќе се пресели на „Алијанц арена“ во Минхен.
Во „кралскиот клуб“ пристигна како крилен играч, но Зинедин Зидан многу често го користеше и како десен бек. Токму тоа му се допаѓа и на Ханси Флик и би сакал да го има во тимот.
Баерн Минхен во летниот преоден рок го доведе Буона Сар од Олимпик Марсеј, но Флик не му дава голема минутажа. Многу веројатно е дека тој ќе мора да си замине по завршувањето на сезоната.
