Германците минимално против Романија, Италија подобра од Бугарија (ВИДЕО)

Фаворитот во нашата квалификациска група, селекцијата на Германија, оствари минимална победа (0-1) на гости против Романија во Букурешт. Составот на Јоаким Лев славеше со голот на Серж Гнабри во 17.минута од мечот. Следно, Германците ќе ја пречекаат Македонија во Дуисбург в среда.

Италија ја победи Бугарија на гости со 0-2. Андреа Белоти од пенал и Мануел Локатели погодија за „аѕурите“.

Шведска славеше против Косово со 0-3 во Приштина, а Полска со 3-0 ја совлада Андора.