Аталанта го пречекува Манчестер Јунајтед вечерва во Лигата на шампионите со голем мотив, но и со должно внимание кон тимот на Оле Гунар Солскјер.
Пред две седмици „црвените ѓаволи“ славеа на „Олд Трафорд“ со 3-2, откако направија голем пресврт, па Аталанта сака вечерва да се реваншира. Во италијанскиот клуб се свесни дека Јунајтед е фаворит, а тренерот Џанпјеро Гасперини со одбрани зборови говори за ривалот.
Тој истакна дека Манчестер Јунајтед има моќ во секој момент да ја промени ситуацијата на теренот.
„Ова е феноменален тим, без разлика што моментно имаат подеми и падови. Имаат широк играчки кадар, а тимот може да игра навистина многгу квалитетно. Нивната најголема вредност е што можат да ја свртат играта во своја полза во секое време“, изјави тренерот на Аталанта.
