Работнички е лидер на табелата во Првата лига, заедно со Шкендија, со 11 бода, а утре на арената „Тодор Проески“ ќе ја пречека Брера. „Романтичарите“ немаат пораз во шампионатот, но изненадувачки беа елиминирани од Купот, и тоа со пораз (2-0) од третолигашот Шкендија Арачиново.
Напаѓачот Марселин Гандо Биала вели дека неговиот тим сака брзо да се врати на победнчките патеки.
„На петте првенствени натпревари немаме пораз и би сакале да го задржиме курсот. Доживеавме непријатна елиминација во Купот, па секако дека би сакале сега веднаш да се вратиме на победнички патеки. Го респектираме тимот на Брера, се работи за квалитетен тим, сега имаат и нов тренер и сигурно дека ќе бидат максимално мотивирани на утрешниот меч. Но, и ние веруваме во нашите квалитети сакаме да ги освоиме трите бода.”, изјави Гандо.
