Гана дојде до победа на Светското првенство откако во дуел со пет гола ја совлада Јужна Кореја со 3-2. Мохамед Кудус беше човекот на одлука за Гана, постигна два гола меѓу кои и победничкиот погодок. Претходно, Корејците надоместија два гола негатива.
Гана поведе со 2-0, со головите на Мохамед Салису и на Мохамед Кудус во првиот дел. Потоа следеше период на Јужна Кореја и израмнување со двата гола на Гу-Сунг Чо, во 58. и во 61.минута.
Сепак, на крајот Мохамед Кудус донесе голема радост за Гана со голот во 68.минута.
