ПСЖ го претрпе вториот пораз во Лига 1 во последните пет натпревари откако актуелниот шампион синоќа загуби со 1-0 од Рен. Претходно „светците“ загубија и од Ленс со 1-3 на 1 јануари, па јасно е дека „светците“ не се во најдобар момент.
Водството на ПСЖ на врвот на табелата е намалено на само три бода. „Светците“ имаат 47 поени од 19 мечеви, на второто место е Ленс е со само три бода негатива, а Олимпик Марсеј заостанува пет бода.
Тренерот Кристоф Галтие за тоа го „обвини“ Светското првенство во Катар.
„Треба да си ја вратиме играта. Знаевме дека ќе биде тежок натпревар и тоа се потврди. Ја имавме топката, но не успеавме да ги заплашиме. Рен се одбрани со цврст бедем пред голот. Не сум загрижен, но треба да се разбудиме затоа што Светското првенство заврши. Осум недели сме расеани, па треба да ја вратиме кохезијата и темпото во играта. Тесно е на врвот на табелата, но не сум навикнат да го гледам рангирањето. Се фокусирам на работата“, изјави Галтие.
