Фудбалерките минимално поразени од Грузија

Женската фудбалска репрезентација на Македонија забележа уште еден пораз од соодветната селекција на Грузија на вториот пријателски натпревар во Тбилиси

Избраничките на селекторот Кирил Изов беа минимално поразени со 1-0.

Двете репрезентации одиграа добар натпревар, со многу трчање и борба на средината на теренот. Македонија имаше неколку добри прилики за постигнување на погодок, но немаше реализација. 

Селекцијата на Грузија единствениот погодок на денешната средба го постигна преку Татуашвили во 17. минута од првиот дел.

Контролен дуел во Тбилиси;

Грузија – Македонија   1-0 (1-0)

Македонија: Ефтинџоска, Комненова, Лимани, Максути, Милчевска, Мојсоска, Панеска, Павловска, Села, Џоклеска, Велкова;

Селектор: Кирил Изов;