Фудбалската репрезентација на Србија доживеа тежок пораз од Албанија (0-1) во Лесковац. По мечот со кој Србите ги загубија реалните шанси за пласман на СП 2026, почнаа шпекулации за смена на селекторот.
Според информациите на ТВ „Арена спорт“, нов селектор треба да биде Вељко Пауновиќ. Тој треба да го наследи Драган Стојковиќ – Пикси, кој по натпреварот поднел оставка до раководството на Фудбалскиот сојуз на Србија.
Пауновиќ неодамна доби отказ од шпанскиот прволигаш Овиедо. Во јавноста е најпознат по успехот со младинската репрезентација во 2015 година, кога Србија стана светски шампион.
По тој успех, работеше во Мексико, Англија и САД. Со Овиедо направи историски подвиг – го врати клубот во Ла Лига по 24 години.
Официјална потврда од Фудбалскиот сојуз на Србија се очекува во следните денови.
