Монако назначи нов тренер. Белгиецот Себастијан Покоњоли, 38 години, го презема тимот.
Тој го наследува Австриецот Ади Хутер, кој го напушти клубот на 10 октомври.
Како играч, Покоњоли настапувал за Генк, АЗ Алкмар, Стандард, Хановер, Вест Бромич, Брајтон и Унион Сен Жил.
По крајот на играчката кариера, започна тренерска со младинскиот тим на Унион Сен Жил во 2021 година. Подоцна работеше и со младинските тимови на Генк и белгиската репрезентација до 18 години.
Од летото 2024 година, Покоњоли беше тренер на првиот тим на Унион Сен Жил. Сега го прифаќа предизвикот во Монако.
