Европскиот шампион Италија е на работ на елиминација од ЕВРО 2024, доколку тимот на Лучијано Спалети не прикаже многу подобра игра во второто полувреме од осминафиналниот дуел со Швајцарија која обезбеди водство од 1-0 во првиот дел. Ремо Фројлер го постигна голот за својата репрезентација во 37. минута.
Тој одлично се снајде во шеснаесетникот на Италија и со силен удар ја искористи асистенцијата на Варгас.
Претходно, Швајцарија имаше одлична можност преку Брил Емболо, но Џанлуиџи Донарума успеа да го одбрани неговиот удар.
