Претстојниот натпревар против Шпанија има тежина на финале, изјави германскиот селектор Ханси Флик пред натпреварот од групата Е на Мундијалот. Двата тима се среќаваат утре во 20 часот, а Бундес – тимот може да биде елиминиран доколку загуби.
„Последните два турнири не беа добри за нас. Мораме да бидеме сконцентрирани бидејќи ова е наше прво финале на тековното Светско првенство“, изјави Флик.
„Нема да го промениме нашиот стил на игра. Мораме да играме 100 проценти и да не му оставаме на противникот отворен простор како што направивме против Јапонија. Поразот во претходниот натпревар беше исклучително горчлив бидејќи можевме да го избегнеме. Верувам во овој тим и знам дека ќе излезе самоуверен на теренот“, оптимист е Флик.
Тој не ја отфрли опцијата да ја смени фрмацијата и да започне во средниот ред истовремено со Кимих, Горецка и со Гундоган.
Крилниот напаѓач Лерој Сане се уште ја лекува малата повреда и е под знак прашалник за натпреварот.
„Ќе го чекаме последниот тренинг и потоа ќе одлучиме за Сане. Нашиот лекарски тим заврши многу добра работа и треба да видиме како се чувствува на тренинзите“, додаде Ханси Флик.
