Македонскиот прволигаш Скопје ја засили голманската позиција со досегашниот интернационалец Боби Целески. Тој се враќа во Македонија откако претходно беше член на албанскиот клуб Теута.
Скопје претходно го ангажира и Изет Ајрулаху, кој се враќа на Автокоманда откако беше дел од Македонија ЃП и од Ренова, а сега прави потег и за квалитетно голманско засилување. Целески треба да му биде конкуренција на Андреја Ефремов.
Приоритет на Скопје е да обезбеди опстанок во елитата и да се пласира во средишниот дел на табелата во Првата фудбалска лига.
