Финалето на фудбалскиот Куп на Македонија кое беше закажано за 20 мај во Струмица, ќе биде преместено во Скопје и ќе се одигра на комплексот „Петар Милошевски“ во ФФМ. Ова поради лошата состојба на теренот на стадионот „Благој Истатов“ во Струмица.
Најчесто финалните мечеви од Купот се играле на Националната арена „Тодор Проески“, но во моментот и таму теренот е во фаза на реновирање за настапите на фудбалската репрезентација на Македонија во квалификациите за ЕВРО 2024.
Во финалето ќе играат Струга Трим Лум и бранителот на ланскиот трофеј Македонија ЃП.
