ФИФА: Горан Пандев заслужува да биде и дел од мундијал

Најдобриот македонски фудбалер Горан Пандев како шлаг на фантастичната кариера ќе настапи со Македонија на Европското првенство. Но, ФИФА вели дека таков голем мајстор заслужува да биде и дел од мундијал.

ФИФА го најави стартот на квалификацискиот циклус за СП 2022 во Катар со десет ѕвезди над 28 години за кои тврди дека заслужуваат да настап на Светско првенство. Покрај Пандев, во изборот влегоа и Ван Дајк, Обамејанг, Мхитарјан, Заха, Запата, Облак, Ву Леи, Хачинсон и Бејл.