Меѓународната фудбалска федерација (ФИФА) ги засилува напорите да добие поддршка од навивачите за организација на Светското првенство на секои две години, наместо четири како досега. ФИФА нарача истражување преку интернет и бара мислење и поддршка од фановите.
Европа и Јужна Америка првенствено се противат на предлогот за промена на системот за натпреварување. Тие два континенти обезбедуваат 65 од 211 членки на ФИФА, помалку од една третина од вкупниот број потребен за блокирање на предлозите.
Раководните тела на шесте континентални федерации организираат сопствени шампионати, а Европското првенство се одржува четири години, меѓу двете Светски првенства. Додавањето дополнително Светско првенство во секој четиригодишен циклус најверојатно ќе ги намали приходите на европското натпреварување.
Претседателот на ФИФА, Џани Инфантино е убеден дека организирањето поголем број турнири ќе ги зголеми можностите и ентузијазмот на 211 членки, од кои многу никогаш не играле на Светското првенство.
Една од најважните одлуки на Инфантино како претседател беше промена на форматот на Светското првенство од 32 на 48 репрезентации, почнувајќи од 2026 година.
Европски селекции триумфираа на претходните четири светски првенства и пополнија 13 од 16-те полуфинални места. Останатите тројца учесници во полуфиналето од 2006 до 2018 година беа од Јужна Америка.
Синдикатот на професионални фудбалери, ФИФПро, предупреди дека со одржување на Светското првенство на две години, играчите ќе бидат во тешка положба, бидејќи веќе имаат згуснати распореди за натпреварување.
