Фенербахче и Глазгов Ренџерс со победи го отворија новото издание на Лига Европа. Турскиот тим на домашен терен славеше против Сен Жилоа со 2-1. Чаглар Сојунџу во 26.минута го доведе составот на Жозе Мурињо во водство, а Бургес си постигна автогол во 82. минута.
Ливаковиќ во 92.минута одбрани пенал, а една минута подоцна Сајкс го постигна единствениот гол за Сен Жилоа на овој меч.
Ренџерс на гости го победи Малме со 0-2. Недин Бајрами во првата минута погоди за предност на гостите, а Рос МекКосланд во 76.минута го потврди триумфот на шкотскиот тим.
