Пари Сен Жермен е блиску до договор со Наполи за трансфер на Фабијан Руиз, пренесува „Кориере дело спорт“. Играчот од средниот ред има договор до крајот на 2023 година и одбива повторно да потпише, принудувајќи ги „наполитанците“ да го продадат.
Парижаните се очекува да платат околу 25 милиони евра за играчот од средниот ред.
Можно е Кејлор Навас да тргне во спротивна насока, бидејќи Наполи активно бара голман, а во моментов договорот за Кепа Аризабалага е во мирување.
Фабијан Руиз е дел од Наполи од 2018 година и досега има забележано 166 натпревари и 22 гола за тимот. За шпанската репрезентација има и 15 натпревари и еден постигнат гол.
