Ливерпул, Челси и Манчестер Јунајтед и Вулверхемптон се пласираа во четвртфиналето на ФА купот на Англија.
Ливерпул со 3-0 го совлада Саутемптон, иако Јирген Клоп се мачи со многу повреди во својот тим. Џејден Данс беше двоен стрелец, а погоди и Кумас. Тоа се млади фудбалери на кои германскиот стратег им даде шанса за настап.
Конор Галагер во 90.минута му донесе победа на Челси од 3-2 против Лидс Јунајтед на „Стемфорд бриџ“. Стрелци за „сините“ беа и Николас Џексон и Михајло Мудрик.
Манчестер Јунајтед со 0-1 славеше на гости против Нотингем Форест. Херој беше Кашемиро со погодокот во 89.минута.
Вулверхемптон го елиминира Брајтон со триумфот од 1-0. Стрелец на голот беше Марио Лемина уште во третата минута од дуелот.
Во четвртфиналето на ФА купот на Англија ќе играат: Манчестер Јунајтед – Ливерпул, Вулверхемптон – Ковентри, Манчестер Сити – Њукасл и Челси – Лестер.
