Шкендија двапати го победи романскиот првак ФЦСБ, и во Скопје (1-0) и во Букурешт (1-2) и заслужено се пласира во третата рунда од квалификациите за Лигата на шампионите. Со тоа веќе обезбеди и групна фаза во Конференциската лига, а тимот на Јетон Беќири сака и може и многу повеќе оваа сезона во Европа.
Следен ривал на Шкендија ќе биде Карабах, првакот на Азербејџан, кој доаѓа во вторник на Националната арена „Тодор Проески“ во Скопје.
А дотогаш, Европа сѐ уште ќе биде во шок, затоа што Шкендија направи големо, огромно изненадување.
