Евертон го сака Вејн Руни на менаџерската позиција

Англискиот премиерлигаш Евертон ќе контактира со Вејн Руни за да отпочне преговори со него за преземање на менаџерската позиција. Клубот од „Гудисон парк“ го отпушти Рафа Бенитез од тренерската позиција и е во потрага по негова замена.

Руни го предводи Дерби Каунти, а раководството на Евертон сака да го врати во матичниот клуб и да му ја довери тренерската палка.

Покрај Руни, во опција за нов менаџер на Евертон се споменува и Роберто Мартинез, селекторот на Белгија.