Играчот од средниот ред на Манчестер Јунајтед, Кристијан Ериксен се врати на тренинзите со првиот тим. Данецот беше надвор од терените од јануари кога заработи повреда на зглобот откако беше повреден во дуел со Енди Керол во натпреварот од ФА Купот против Ридинг.
Првичните проценки беа дека тој ќе биде на опоравување до крајот на април или почетокот на мај, но се чини дека играчот се опорави побрзо од очекуваното и сега продолжи со вообичаените тренинзи.
Има најави дека Ериксен би можел дури и да биде во составот за саботниот дуел со Евертон во Премиер – лигата. Враќањето на креативниот играч за врска ќе биде од голема корист за Манчестер Јунајтед и Ерик тен Хаг на крајот од сезоната. Доведен како негова замена во зимскиот преоден рок, Марсел Сабицер се претстави добро, но му недостига креативноста и генијалноста на Ериксен.
Во оваа сезона 31-годишниот Данец одигра 31 натпревар, на кои постигна два гола и имаше девет асистенции.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski