Кристијан Ериксен се враќа на теренот. Данецот се согласи да се врати во Премиер – лигата и ќе го облече дресот на Брентфорд. Тој треба да ги мине медицинските прегледи и во наредните 72 часа ќе стане нов играч на „пчелите“.
Тој колабираше на теренот играјќи за Данска на мечот против Финска во Копенхаген на 12 јуни и само брзата акција на медицинските лица му го спаси животот. Му беше вграден дефибрилатор, а потоа мораше да замине од Интер затоа што во Серија А не можеше да ја продолжи кариерата поради строгите здравствени регулативи.
Ериксен имаше понуди од Ајакс, Митјиланд и од Тотенхем, но на крајот се одлучи за тимот на Брентфорд каде има мала данска колонија.
