Кристијан Ериксен не може да продолжи да игра фудбал во Италија, а италијанскиот шампион Интер е подготвен да му дозволи да ја продолжи кариерата во лига што не го спречува да се занимава со професионален спорт со вграден дефибрилатор.
Тој ја загуби свеста за време на Европското првенство носејќи го дресот на фудбалската репрезентација на Данска. Ериксен доживеа срцев удар, а потоа му беше вграден дефибрилатор.
Ајакс е тимот каде што Ериксен би можел да продолжи да игра фудбал на професионално ниво. Ериксен ја започна својата кариера како професионалец токму во холандскиот гигант и за него играше од 2010 до 2013 година, односно до трансферот во Тотенхем.
Медицински случај сличен како Ериксен веќе има во редовите на Ајакс. Дејли Блинд игра за тој клуб и за холандската репрезентација со вграден дефибрилатор.
