Холанѓанецот Ерик тен Хаг, кој е на чело на Манчестер Јунајтед, стана првиот менаџер на „црвените ѓаволи“ од 2014 година кој дебитирал со пораз.
20-кратниот англиски шампион вчера загуби со 2-1 на домашен терен од Брајтон во првото коло од новата сезона во Премиер – лигата. На 16 август 2014 година, Луј ван Гал, исто така, забележа пораз од 1-2 дома од Свонси во неговиот деби натпревар на чело на Јунајтед.
По заминувањето на Ван Гал, „црвените ѓаволи“ беа предводени од Жозе Мурињо, Оле Гунар Солскјаер и Ралф Рангник.
Ерик тен Хаг го презеде клубот од Манчестер во летото 2022 година.
