Македонскиот напаѓач Ердон Даци кариерата ќе ја продолжи во казахстанскиот прволигаш Женис.
26-годишниот фудбалер викендов го финализираше својот трансфер и веднаш дебитираше за новиот клуб во натпреварот против Тобол, кој заврши без голови.
Даци замина од белгискиот Дајнзе поради финансиски проблеми во клубот, кој пред два месеци прогласи банкрот. Претходно, тој настапуваше за белгиските екипи Вестерло и Беверен, македонскиот Вардар, како и за турскиот Коњаспор.
За македонската репрезентација има одиграно еден натпревар, при што постигна еден гол.
