Македонскиот репрезентативец Елиф Елмас апсолутно не добива минутажа ниту оваа сезона во германскиот бундеслигаш Лајпциг. Досега одигра само седум минути за Лајпциг, па добро му дојдоа двата натпревари за македонскиот национален тим против Летонија (0-2) и против Ерменија (0-2).
Елмас постигна и прекрасен погодок против Летонците во Рига, потсети на што е способен иако тоа не може да го прикаже и во дресот на Лајпциг затоа што не добива минутажа.
Но, можеби постои светло на крајот од тунелот бидејќи за него се интересира Антонио Конте, кој би сакал да го врати назад во Наполи. Засега не е јасно дали тој би се вратил во претстојниот зимски преоден рок, веројатно како позајмен играч од Лајпциг, со опција за откуп на неговиот договор.
Лајпциг плати 24 милиони евра за трансферот на Елиф Елмас токму на Наполи.
