Македонскиот репрезентативец Елиф Елмас поради повредата што ја заработи на мечот против Летонија од Лигата на нации ќе паузира до крајот на 2024 година. Деталните лекарски прегледи покажаа дека тој има скинати мускулни влакна поради која ќе мора да паузира најмалку четири до шест седмици.
Елмас се очекува да се врати во дресот на Лајпциг во текот на јануари, иако има и најави дека можеби и ќе ги напушти бундеслигашот во зимскиот преоден рок. За него се интересираат турските гиганти Фенербахче и Галатасарај, а исто така постои опција и за враќање во Наполи.
