Македонскиот репрезентативец Елиф Елмас по вторпат го победи коронавирусот. Тој по неколкудневна самоизолација конечно доби два негативни теста и може да ја напушти Македонија и да замине за Неапол.
Елмас беше позитивен на тестирањето пред заминување за Италија и мораше да остане во изолација. Но, сега конечно е негативен на Ковид-19 и може да им се врати на редовните клупски обврски.
Во Наполи владее вистински ковид-хаос, заразени се голем број фудбалери и тренерот Лучијано Спалети, па неизвесно е дали воопшто тимот ќе добие дозвола од општинскиот кризен штаб да патува на дербито против Јувентус во Торино.
