Един Џеко е нов фудбалер на Фенербахче

Босанскиот репрезентативец Един Џеко е нов фудбалер на Фенербахче. Тој замина од италијанскиот клуб Интер и како слободен фудбалер му се приклучи на Фенербахче.

„Среќен сум што ќе бидам дел од еден од најголемите турски клубови и можам да им ветам на фановите дека ќе го дадам максимумот на сите натпревари“, изјави Един Џеко.

Напаѓачот во Фенербахче ќе го носи дресот со број „9“.

Тој во кариерата играше за Железничар, Волфсбург, Манчестер Сити, Рома и за Интер.