Бразилскиот голман Едерсон (28) потпиша нов договор со Манчестер Сити. Одличниот чувар на мрежата се договори за нова петгодишна соработка и ќе остане во клубот до јуни 2026 година.
Бразилецот истакна дека е многу задоволен што останува во клубот каде што е од 2017 година.
„Го очекував ова откако разговарав со клубот. Се фокусирав на играта, агентот завршуваше се со клубот. Мило ми е што постигнавме договор. Многу сум среќен во клубот и во овој град заедно со моето семејство. Задоволен сум што мојата напорна работа е препознаена. Ќе продолжам да работам напорно за да освојуваме нови трофеи“, истакна бразилскиот голман.
