Двајца од клучните играчи на Арсенал ќе ги продолжат договорите со клубот. Букајо Сака и Арон Рамсдејл се во напредни преговори со раководството на „топчиите“ и прашање на денови е кога ќе потпишат нови договори.
Сака веќе ги прифати предложени услови и се очекува да парафира до 2028 година. Крилниот напаѓач ќе добива 300.000 фунти неделно и ќе стане еден од најплатените фудбалери во тимот.
Рамсдејл се наметна како неприкосновен стартер на голот на Арсенал и исто така го убеди клубот да го продолжи неговиот договор. Актуелниот договор на голманот е до 2025 година, а неговата неделна плата е 60.000 фунти, но ќе биде значително зголемена.
