Нови проблеми за Барселона. Двајца членови на стручниот штаб на Роналд Куман се позитивни на Ковид-19, а целиот тим утринава ќе мора да ги мине тестовите за коронавирус. Асистентите на Куман се повлечени во изолација, планираниот тренинг е откажан, а сите членови на сениорскиот погон ќе имаат вонредно тестирање за Ковид-19.
Барселона утре му гостува на Атлетик Билбао во следното коло од Ла Лига. Роналд Куман во моментот не знае кои фудбалери би ги имал на располагање за ова тешко гостување. Доколку се појават поголем број позитивни случаи во Барселона, натпреварот би можел да биде и неизвесен за одигрување.
