Македонскиот прволигаш Гостивар и оваа сезона продолжува со одлични трансфери. Нов фудбалер на овој тим е Душко Трајчевски, поранешен македонски репрезентативец кој по пауза од шест години повторно се враќа во македонскиот шампионат.
Трајчевски изминатите години настапуваше за Докса во првенството на Кипар, а сега реши да ја прифати понудата на Гостивар и да се врати во Македонија. Тој сигурно ќе биде големо засилување за овој тим.
Во Гостивар пристигна и Малик Хамзиќ, дефанзивец кој доаѓа од редовите на Работнички.
