Дуделанж е тимот што ќе биде противник на Шкендија во следното квалификациско коло за Лигата на Европа, откако македонскиот првак денеска беше шокиран среде Скопје од Номе Калју, што значеше и елиминација од квалификациите за Лигата на шампионите. Така, наместо за седум дена тетовци да се сретнат со шкотскиот гигант Селтик, тие за ривал ќе го имаат првакот на Луксембург, во квалификациите за второто по ранг европско натпреварување.
Од претходно се знаеше дека во случај на неуспех Шкендија ќе се сретне со поразениот од двомечот Ла Валета – Дуделанж, во кој како победник излезе првакот на Малта/ Оваа пресметка исто така беше решена со повеќе постигнати голови во гости, првиот меч во Луксембург заврши 2-2, па Ла Валета со денешното реми (1-1) на Малта се пласираше во следната квалификациска рунда од Лигата на Европа. Фонтанела ја доведе Ла Валета во водство на денешниот реванш, Дуделанж во второто полувреме успеа да израмни преку Покар во 59. минута, што сепак беше недоволно за целосен пресврт.
Шкендија ќе биде домаќин на првиот натпревар, на 25 јули во Скопје, а реваншот од овој квалификациски двомеч ќе се игра во Луксембург на 1 август.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski