Дуделанж е ривалот на Шкендија во второто квалификациско коло од Лигата на Европа. Тимот од Луксембург досега имал две соочувања со македонски екипи, и бил елиминиран и од Вардар и од Работнички, а сега ќе ги одмери силите со актуелниот македонски првак Шкендија.
И навистина сериозно ја сфаќа задачата, со оглед дека фудбалерите долго тренираа на стадионот „Тодор Проески“ навлегувајќи и во терминот на Шкендија.
Мечот меѓу Шкендија и Дуделанж е закажан за утре, со почеток во 17.55 часот, а ќе го води Торе Хансен од Норвешка.
