Остануваат само три месеци до истекот на договорот на Донарума со Милан, а се уште нема договор за продолжување на соработката. Ова создава се поголем револт кај навивачите на „росонерите”. За да биде ситуацијата полоша, во италијанските медиумите секојдневно се шпекулира за иднината на голманот и дека тој ќе си замине како слободен агент летово.
Сепак, како што пишува „Ла Стампа”, Донарума му ставил до знаење на агентот Мино Раиола дека нема намера да го напушти Милан.
„Останувам во Милан, останатото е на тебе“, му порачал 22-годишниот италијански голман на својот менаџер.
