Голманот на Италија, Џанлуиџи Донарума, го коментираше пласманот на тимот на ЕП 2024 по квалификацискиот натпревар со Украина (0-0).
„Среќни сме. Ние сме таму каде што заслужуваме да бидеме. Надминавме многу тешкотии и мора да му се заблагодариме на новиот селектор и на целиот тим за камбекот. Ќе одиме во шампионатот како актуелни прваци и повторно ќе дадеме сѐ од себе, знаејќи дека сме способни за многу големи работи. Благодарност до сите фанови. Навистина ни помогнаа да се одбраниме на крајот. Бевме обединети до последната секунда“, изјави Донарума.
На Италија и беше потребно реми против Украина во Леверкузен за да го освои второто место во групата и успеа да го оствари тоа.
