Баерн Минхен без проблем се враќа од гостувањето во Берлин каде го “торпедираше” Унион Берлин со конечен резултат од 5-2. Во период од осум минути, Левандовски двапати се запиша во листата на стрелци за лидерот на табелата во Бундес – лигата и актуелен шампион.
Првиот погодок го постигна од удар од белата точка во 15. минута, а потоа, во 23. минута, го зголеми водството на својот клуб по еден одлично изведен тимски слободен удар. На ова, подоцна се надоврзаа Сане, Коман и Милер, додека пак за домашниот состав, стрелци беа Гиселман во 43. минута и Рајерсон во 65. минута.
Во меѓувреме, се чини дека засега не се чувствува отсуството на Ерлинг Халанд во Борусија Дортмунд, со оглед на тоа што “црно-жолтите” триумфираа со 2-0 против Келн. Натпреварот го отвори Торган Азар на само пет минути до паузата за полувреме. Иако поседот на топка не беше на страната на потполни изиграната Борусија, сепак, резултатот го запечати младиот напаѓач, Штефен Тигес во 64. минута.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski