Аријан Адеми и Стефан Ристовски ќе добијат нов тренер во Динамо Загреб. По поразот во синоќешното дерби од Хајдулк Сплит (1-0) на „Пољуд“, раководството на „модрите“ се раздели со тренерот Жељко Копиќ.
Тој ја презеде клупата на првиот тим во декември 2021 година и го предводеше Динамо Загреб на вкупно 19 официјални натпревари, на 5 одиграни пријателски натпревари.
На официјалните натпревари во хрватското првенство и во Лигата Европа забележа 13 победи, 2 нерешени средби и 4 порази со гол разлика 27:10.
„Сакам да им се заблагодарам на раководството на клубот, играчите, стручниот штаб, тренерите и сите вработени во клубот за успешната и квалитетна соработка што ја имавме изминативе две години. Од првиот ден кога станав директор на Фудбалската школа, а подоцна и спортски директор и тренер на првиот тим, сакав клубот да напредува и се надевам дека во еден дел го постигнав тоа. На клубот му посакувам успешен крај на сезоната и најважно да ја освои титулата“, изјави Жељко Копиќ.
