Рајо Валјекано оствари неочекуван триумф од 1-0 над Барселона во 11-то коло од шпанската Ла Лига, а најголем “виновник” за големиот успех на составот кој доаѓа од Мадрид беше токму македонскиот репрезентативен голман, Столе Димитриевски.
Домашниот тим дојде до водството по само пола час игра, по грешката на Серхио Бускетс на средината на теренот. Оскар Трехо успеа да му ја украде топката на искусниот ветеран на каталонците, а потоа му асистираше на неуморниот Фалкао, кој го постигна својот четврти погодок на шестиот натпревар за Рајо во Ла Лига сезонава.
Барса, во два наврати, дојде на чекор од изедначување на резултатот. Во првиот, Сержињо Дест повторно се посрамоти со неверојатно лош лут одблиску на само неколку минути по погодокот на Фалкао. Единствената цел на составот на Андони Ираола беше да го задржи минималното водство, а за ова најмногу се погрижи Столе Димитриевски, кој го одлично го прочита ударот на Мемфис Депај од пенал во 72. минута од дуелот.
