Напаѓачот на Лестер, Џејми Варди, е блиску до продолжување на договорот со клубот, тврдат медиумите на Островот. Се верува дека „лисиците“ ќе му понудат на фудбалерот договор до 2025 година.
Актуелниот договор на Варди истекува на крајот од оваа сезона.
Лестер обезбеди директна промоција во Премиер – лигата по испаѓањето минатата сезона и така фудбалерот повторно ќе може да игра на највисоко ниво.
Џејми Варди игра за Лестер од 2012 година, беше дел од првата промоција на тимот во историјата во 2014 година, а две години подоцна во 2016 година стана шампион при сензационалната титула на клубот. Во следната 2017 година, бајката продолжи и „лисиците“ играа во четвртфиналето на Лигата на шампионите.
Варди оваа сезона настапи на 37 натпревари во сите натпреварувања, постигнувајќи 20 гола и две асистенции. Италијанските медиуми го поврзуваа и со можен трансфер во новиот калчолигаш Комо.
