Ден пред големата битка. Се прават последните планови, се подготвува тактиката, Македонија го испроба и стадионот во Тбилиси. Познат им е на Алиоски и другарите со оглед дека не беше така одамна кога ремизираа 1-1 против Грузија на истиот терен.
Но, утре ќе мора да има победник. Свесен е за тоа и „шоуменот“ во нашиот национален тим, кој го задржа стилот и во изјавите.
„Утре еден тим ќе мора да слави. И тоа ќе биде – Македонија. Подготвени сме за тежок дуел, знаеме дека ќе мора многу напори да вложиме, но тоа воопшто нема да ни биде тешко затоа што целта е голема“, изјави Езгјан Алиоски.
