МАКФУДБАЛ во Разград,
Фудбалската репрезентација на Македонија утре (18 часот) гостува во Разград против Бугарија, на стартот на новото идание во Лигата на нации. Капитенот на селекцијата на Бугарија, Кирил Десподов, е опимист и очекува неговиот тим да победи на утрешниот натпревар.
„Мотивирани сме и подготвени за утрешниот натпревар. Мислам дека ќе победи помудриот, дека мораме да останеме смирени и да размислуваме само фудбалски. Веруваме дека имаме квалитет да ја победиме Македонија, иако го респектираме максимално утрешниот противник“, изјави Десподов.
