Селекторот на фудбалската репрезентација на Франција, Дидие Дешамп, е горд на победата против Мароко од 2-0 и истакна дека пласманот во финалето на Светското првенство е награда за напорната работа на неговите фудбалери во изминатиот период.
Светскиот првак Франција се пласираше во второто последовно финале на Светско првенство и в недела во Катар ќе ја брани титулата против Аргентина.
„Има емоции, гордост. Очигледно дека беше тежок меч, но стигнавме до крајот и нѐ очекува ново финале. Заедно сме еден месец, никогаш не е лесно, но досега беше задоволство и моите играчи беа наградени за големиот труд“, изјави Дешамп по триумфот.
