Селекторот на Франција, Дидие Дешамп, ќе продолжи да ги води „петлите“ барем до ЕВРО 2024 година, тврди „Ле Паризиен“. Французите се пласираа во полуфиналето на Светското првенство во Катар по победата над Англија со 2-1. Дешамп по натпреварот изјави дека сега не е време да зборува за својата иднина.
Сепак, претседателот на Фудбалската федерација на Франција, Ноел Ле Грает, навести дека сака Дешамп да продолжи да го води тимот. Одлуката селекторот ќе ја донесе по завршувањето на Мундијалот.
Дешамп е на чело на репрезентацијата на Франција од 2012 година. Актуелниот договор на 54-годишниот фудбалер истекува во декември 2022 година.
Под негово водство, „триколорите“ го освоија Светското првенство во 2018 година и Лигата на нации во 2021 година, пред да загубат од Португалија во финалето на Европското првенство во 2016 година.
