Селекторот на фудбалската репрезентација на Франција, Дидие Дешамп, го повика Карим Бензема во националниот тим за Европското првенство. По цели шест години на Бензема конечно му е симната „селекторската суспензија“ поради уцената на Матие Валбуена.
„Франција со Бензема е посилна селекција. Се сретнавме, разговаравме и најдовме решение. Верувам дека сега ќе се насочиме сите заедно кон што е можно подобри игри на Европското првенство“, изјави Дешамп.
Од офанзивците, Дешамп не смета на Антони Марсијал. Практично, Бензема го зазеде неговото место во селекцијата и ќе го носи дресот со број „19“.
Франција ќе игра во групата Д заедно со Германија, Унгарија и Португалија.
