Напаѓачот на Барселона, Мемфис Депај, е на прагот на преселба во Атлетико Мадрид, откако беше забележан како ги носи боите на клубот додека тренираше под раководство на тренерот Диего Симеоне.
28-годишниот холандски репрезентативец во изминатите неколку дена беше поврзуван со трансфер во Атлетико, а неколку шпански медиуми сугерираат дека договорот е блиску до финализирање.
Атлетико очекува Депај да биде на располагање за саботниот натпревар против Валјадолид во Ла Лига.
Напаѓачот се приклучи на Барселона на слободен трансфер од Лион во јули 2021 година и потпиша двегодишен договор. Шпанските медиуми објавија дека тој ќе потпише двегодишен договор со Атлетико за сума од 3 милиони евра за трансфер.
Депај оваа сезона во Ла Лига одигра два натпревари за Барселона и постигна еден гол.
