Ден на македонскиот фудбал! На денешен ден пред точно 110 години во Скопје се одиграл првиот официјален фудбалски натпревар на територијата на Македонија.
Во 1909 година, на Велигден, група турски војници и офицери на школување во западноевропските земји одиграле натпревар меѓу себе на импровизираното игралиште на полјаната зад Учителската школа во населбата Ислахане (Идадија) во Скопје. Две години подоцна, во 1911 година, е формиран првиот фудбалски клуб во Македонија, под име Ускип (Скопје), претходница на СК Вардар во 1912 година, на Пелистер од Битола во 1914 и на Војновиќ во 1915 година.
