Македонскиот прволигаш Шкупи се засили со Дембо Дарбое, играчот од Гамбија кој два месеци беше на проба во тимот од Чаир. Тој успеа да го убеди раководството на клубот и доби договор пред самиот старт на новата сезона во Првата лига.
Дарбое потпиша договор на две години со Шкупи.
„Среќен сум што потпишав за Шкупи. Ова е ново искуство за мене и ќе дадам сѐ од себе за да му помогнам на тимот да има успеси“, изјави Дарбое.
